Një merimangë ‘dhelpër’, e cila është një gjuetare e natës, e njohur për shpejtësi dhe shkathtësinë e saj, u zbulua në terrenin e Ministrisë së Mbrojtjes në Surrey, Britani e Madhe.

Sipas Guardian, kjo specie nuk është parë që nga viti 1993. Shkencëtarët menduan se specia ishte zhdukur, parë për hergë të fundit 27 vjet më parë në Hankey Common në Surrey.

Mike Waite i Surrey Wildlife Trust arriti të gjejë merimangën e pakapshme pas dy vjet kërkimi.

“Sapo pishtari ra mbi këtë merimangë, unë e dija se ishte specia që po kërkoja. Isha shumë i emocionuar. Pandemia ka sjellë shumë ngritje, dhe unë së fundmi kam mbushur 60-vjeç – kështu që kjo ishte një ngjarje pozitive dhe një arsye tjetër për të festuar. Merimanga është e bukur,” tha Waite.

Merimanga ‘dhelpër’ ka tetë sy të zezë dhe gjuan merimangat më të vogla me helm vdekjeprurës. Është interesante se ajo nuk paraqet rrezik për njerëzit.